फ्राइडे रिलिजअन्तर्गत फिल्म 'शाम्बाला' प्रदर्शनमा आएको छ।
थुप्रै अन्तर्राष्ट्रिय फिल्म फेस्टिभलमा पुगेको मीनबहादुर भाम निर्देशित फिल्म आजबाट देशभरका हलमा रिलिज भएको हो।
फिल्ममा थिन्ले ल्हामो, सोनम तोप्देन, तेन्जिन दल्हा, कर्मा वांग्याल गुरूङ, कर्मा शाक्य लगायतका कलाकारहरूको अभिनय छ।
नेपालको कर्णालीको हिमाली गाउँमा प्रचलित बहुपतिप्रथाको कथालाई फिल्मले प्रस्तुत गरेको छ। ३ जना दाजुभाइसँग विवाह गरेकी युवती गर्भवती भएको थाहा पाएपछि उनी ल्हासामा व्यापार गर्न जाँदा हराएका जेठो श्रीमानलाई खोज्न जाँदाको कष्टकर यात्राको कथालाई यसमा देखाइएको छ।
मीन भाम र अभिनास विक्रम शाहले संयुक्त रूपमा यसको कथा लेखेका हुन्।
फिल्मलाई नेपालमा एप्पल इन्टरटेनमेन्टले वितरण गरेको हो।
