निर्देशक तथा अभिनेता निश्चल बस्नेतले नयाँ फिल्मको घोषणा गरेका छन्। उनले आफ्नो पाँचौं निर्देशन भन्दै थिम पोस्टरसहित फिल्मको नाम सार्वजनिक गरेका हुन्।
उनले फिल्मको नाम 'डेनी डेन्जरस' राखेका छन्। यो फिल्म एक्सन जनरामा बनाउन लागेको थिम पोस्टरले संकेत गर्छ।
ब्ल्याक हर्ष पिक्चर्सको ब्यानरमा बन्ने फिल्मलाई सन् २०२५ मा रिलिज गरिने थिम पोस्टरमा उल्लेख गरिएको छ।
निश्चल यतिबेला फिल्म 'बेहुली फ्रम मेघौली' को प्रमोसनमा ब्यस्त छन्।
यो फिल्मलाई निश्चल र स्वस्तिमा खड्काले निर्माण गरेका हुन्।
उनीहरूकै शीर्ष अभिनय रहेको फिल्म असोज १७ गते रिलिज हुँदैछ।
