फिल्म 'सानो संसार' को टिजर सार्वजनिक भएको छ। शुक्रबार म्युजिक नेपालको युट्युबबाट सार्वजनिक टिजरमा मध्यम वर्गीय परिवारको कथा देखाइएको छ।
भ्वाइसओभरसँगै सुरू हुने टिजरमा सो परिवारले जीवन चलाउन गर्ने संघर्षको कथा प्रस्तुत छ।
फिल्ममा हास्य कलाकार केदार घिमिरे 'माग्नेबुढा' की श्रीमती सीतादेवी तिमल्सेनाको मुख्य भूमिका छ। साथमा राज पंगेनी शर्मा, अनु दाहाल, अन्जसा रिजाल, शिशिर सिवाकोटी, सरिता भण्डारी र जीवन गौतमले अभिनय गरेका छन्।
यी सबै कलाकारले नेपाली रजतपटमा डेब्यु गरेका हुन्।
अर्जुन कुमार निर्माता रहेको फिल्मलाई सिद्धार्थ पुडासैनीले निर्देशन गरेका हुन्।
निर्देशक पुडासैनी र सरिष्मा खत्रीको लेखन रहेको फिल्ममा माधव वाग्ले कार्यकारी निर्माता छन्।
यो फिल्म असोज ११ गते रिलिज हुँदैछ।
