दयाहाङ राई र मिरूना मगर अभिनीत फिल्म 'घरज्वाइँ' दोस्रो सातामा प्रवेश गरेको छ।
असार २८ गतेदेखि प्रदर्शनमा आएको फिल्म आजदेखि दोस्रो सातामा प्रवेश गरेको हो।
यो साता नयाँ नेपाली फिल्म भने रिलिजमा छैनन्।
नयाँ फिल्म नहुँदा ‘घरज्वाइँ’ राम्रो शोसहित दोस्रो सातामा प्रवेश गरेको छ।
फिल्मले सुरूवाती दुई दिन (शुक्रबार र शनिबार) मा डेढ करोड रूपैयाँ ग्रस कलेक्सन गरेको विवरण निर्माण पक्षले सार्वजनिक गरेको थियो। त्यसयताको कलेक्सन भने सार्वजनिक गरिएको छैन। निर्माण पक्षका अनुसार फिल्मले देशभरका हलमा राम्रो व्यापार गरिरहेको छ।
अनिल बुढा मगरको लेखन एवं निर्देशन रहेको फिल्ममा दयाहाङ र मिरुनासहित बुद्धि तामाङ, पुष्कर गुरुङ, शिशिर बाङ्देल, भोलाराज सापकोटा, खड्कबहादुर पुन (खबपु), राज थापा, कविता आले लगायतको अभिनय छ।
सामाजिक कथामा बनेको फिल्ममा जनक घर्ती मगरको लगानी छ।
