दुबईमा नेपाल आइडल विजेताको लाइभ प्रस्तुति तय भएको छ।
सिजन ५ का विजेता करण परियार, फर्स्ट रनरअप सलोमी गुरूङ र सेकेन्ड रनरअप सचिन विश्वकर्माले दुबईमा प्रस्तुति दिने भएका हुन्।
सोही स्टेजमा स्ट्यान्ड अप कमेडियनहरूले समेत प्रस्तुति दिनेछन्। कार्यक्रमको नाम राखिएको छ– नेपाल आइडल विथ स्ट्यान्ड अप कमेडी लाइभ इन दुबई।
यसमा कमेडियनहरू सुमन कोइराला (दले दाइ) र साजन श्रेष्ठको प्रस्तुति रहनेछ।
यो कार्यक्रम अगस्ट ४ अर्थात साउन २० गते हुन लागेको हो। बरदुबईको क्लब एसके सेभेनमा कार्यक्रम हुनेछ।
इनास युएई र अरनिको इन्टरटेन्मेन्टले कार्यक्रमलाई प्रस्तुत गरेको हो।
![Dubai-Program-1721040568.jpg](https://www.setopati.com/uploads/posts/Dubai-Program-1721040568.jpg)