अभिनेता मुकुन भुषाल र मेनुका प्रधान अभिनीत फिल्म 'गणपति' को प्रदर्शन मिति तय भएको छ।
यो फिल्म आगामी भदौ १४ गतेदेखि प्रदर्शन हुनेछ। फिल्ममा एक व्यक्तिको अस्वभाविक रूपमा जन्म, बाल्यकाल र युवा अवस्थामा आउने उतारचढावलाई देखाइने छ।
सबिन अधिकारीले निर्देशन गरेको फिल्ममा मुकुन र मेनुकासँगै कविता न्यौपाने, सूर्यमाला खनाल, जयनन्द लामा, प्रकाश घिमिरे, राजाराम पौडेल, पुष्कर गुरुङ, अंशु मानन्धर, कालु राना, टीका भक्त जिरेल, सुशील पोखरेल, देवेन्द्र बब्लुलगायत कलाकारको अभिनय छ।
यो फिल्मको सम्पूर्ण छायांकन तनहुँको बन्दीपुर गाउँपालिका थारुवासमा गरिएको हो। लक्ष्मण रिजालको लगानी रहेको फिल्मलाई हरिबहादुर घलेले छायांकन गरेका हुन्।
