कृतिमा आधारित रहेर बनेको फिल्म 'जार' वैशाख २६ गतेदेखि प्रदर्शन तयारीमा छ। यो फिल्म स्तरीय बनेको र यसले फिल्म क्षेत्रलाई नै उचाइ दिने निर्माणपक्षले बताएको छ।
फिल्म विषय, प्रस्तुति र प्राविधिक रूपमै बलियो रहेको निर्देशक फूर्वा छिरिङ लामा बताउँछन्।
उनले भने, 'विषयका हिसाबले हामीले अब्बल र नेपाली समाजले भोगेको विषय उठान गरेका छौं। त्यसैले यसलाई म हरेक समाजको कथा भन्न रुचाउँछु।' उनले अगाडि थपे, 'प्राविधिक पक्ष पनि उत्तिकै बलियो रहनेछ। प्राविधिक पक्ष बलियो होस् भनेरै पोस्ट प्रोडक्सनको कतिपय काम हामीले भारतमा गरेका छौं।'
प्रस्तुतिमा कलाकारहरूले कठोर मेहनत गरेको उनको भनाइ छ।
कथाले मागेअनुसार कलाकार राखिएको निर्देशक लामाले बताए। सिनेमाको कुनै पनि पक्ष कमजोर नहोस् भनेर सुरूमै सचेत भएर काम गरिएको उनको भनाइ छ।
फेरि टेल पिक्चर्सले निर्माण गरेको ‘जार’ साहित्यकार इन्द्रबहादुर राईको ऐतिहासिक कथामा आधारित फिल्म हो। सन् १८ सयको दशकमा नेपाली समाजमा घटेको यथार्थ घटनालाई फिल्मले समेटेको निर्देशक लामा बताउँछन्।
'इन्द्रबहादुर राईको कथामा सिनेम्याटिक लिबर्टी लिएर काम गरेका छौं। त्यसैले कथा जति राम्रो छ, त्यो भन्दा फिल्म दृश्यमा भाषामा थप बलियो हुनेछ भन्ने हाम्रो विश्वास छ,' उनले भने।
यो फिल्म मात्रै नभएर नेपाली समाजको दस्तावेज पनि भएको उनको भनाइ छ।
साहित्यकार राईले सन् १८०० को दशकमा नेपाली समाजमा घटेको एक यथार्थ घटनामा आधारित रहेका कथा लेखेका थिए।
फिल्म 'जार' मा सौगात मल्ल, अनुपविक्रम शाही र अभिनेत्री गीताञ्जली थापा मुख्य भूमिकामा छन्।
गीताञ्जली भारतीय राष्ट्रिय चलचित्र पुरस्कार विजेता अभिनेत्री हुन्। 'लायर्स डाइस' बाट उत्कृष्ट अभिनेत्री विधामा भारतको राष्ट्रिय अवार्ड जितेकी गीताञ्जली अभिनित फिल्म टोरन्टो, बुसान, लस एन्जलस, न्युयोर्क लगायतका विश्व चर्चीत फिल्म फेस्टिभलमा स्क्रिनिङ भइसकेका छन्। नेटफ्लिक्स सिरिज ‘सेक्रेड गेम्स’ मा पनि गीताञ्जलीले अभिनय गरेकी छिन्।
फेरी टेल पिक्चर्सले होप रिल्स, एलए सेभेन सट्र्स, बराल स्टुडियो र किवा प्रोडक्सनको सहकार्यमा निर्माण गरेको फिल्मको कार्यकारी निर्मातामा नीरज राई, नुर्साङ भुटिया, ज्योती क्षेत्री र पेमा रिन्जिङ लेप्चा छन्।
सिक्किममा खिचिएको फिल्ममा सरवानन इलावार्सुको छायांकन तथा अखिलेश राईको सम्पादन छ। संगीत झुमा लिम्बु र गंगा थापाको छ।
फिल्म नेपाल र भारतसहित अन्तर्राष्ट्रिय बजारमा एकसाथ प्रदर्शनमा आउने निर्माण टिमले बताएको छ। ने
पालमा यो फिल्म एप्पल इन्टरटेन्मेन्ट, रिच इन्टरटेन्मेन्ट र एफडी कम्पनीले वितरणको जिम्मा लिएका छन्।
अन्तर्राष्ट्रिय वितरकमा सेभेन सिज सिनेमा छ।
