'हिरो रिटर्न्स’को शीर्ष गीत ‘हिरो’ रिलिज भएको छ । टंक बुढाथोकीको शब्द तथा संगीतमा तयार भएको गीतमा स्वर टंकसँगै मनिषा पोखरेलको रहेको छ ।
सार्वजनिक गीतमा अभिनेता सविन श्रेष्ठसँगै अभिनेत्री आँचल शर्मा फिचर छन् ।
यसअघि फिल्मसँग जोडिएर कतै पनि नदेखाइएकी आँचलको गीतमा भने देखिएकी छिन् । त्यसैले आँचल गीत रिलिज भएसँगै सबैका लागि सरप्राइज बनेकी छन्।
हेटौंडाका विभिन्न स्थानमा छायांकन गरिएको गीतका कोरियोग्राफर कविराज गहतराजले हुन् । आशिष भेटवालको निर्देशनमा बनेको फिल्मलाई मदन कस्यप घिमिरेले छायाँकन गरेका हुन् ।
भिम न्यौपाने र अमित श्रेष्ठ निर्माता रहेको फिल्ममा टंक बुढाथोकी र दीपक शर्माको संगीत रहेको छ । फिल्मका द्वन्द्व निर्देशक चन्द्र पन्त हुन् ।
‘हिरो रिटर्न्स’मा प्रस्तुतकर्ता रहेका सविन र रेखासँगै दिल श्रेष्ठ, सरोज खनाल, सुलेमान शंकर इकु, सुरेश थापा(दर्शने), रोशन श्रेष्ठ, डिबी बम्जम, सुशान्त श्रेष्ठ, किरण थापा, लक्ष्मी गिरी लगायतको अभिनय रहेको छ ।
https://www.youtube.com/watch?v=Lfzsvkg1hNo
