माल्दिभ्समा जारी सेन्ट्रल एसियन भलिबल एसोसिएसन (काभा) वुमन्स क्लब च्याम्पियनसिपमा नेपाल पुलिस क्लब उपाधि नजिक पुगेको छ।
लगातार चौथो जित निकालेर फाइनलमा पुगेसँगै पुलिस पहिलो सहभागितामै उपाधि नजिक पुगेको हो।
चौथो खेलमा पुलिसले माल्दिभ्सको वाम्कोमाथि ३-२ को रोमाञ्चक जित निकाल्यो।
पहिलो सेट पुलिसले २१-२५ ले गुमाएको पनि दोस्रो सेट २५-२० ले जितेको थियो। तेस्रो सेटमा फेरि पुलिस २१-२५ ले नै पराजित भयो।
तर चौथो सेटमा २५-१८ र निर्णायक पाँचौं सेटमा १५-१३ ले खेल जित्दै पुलिसले अपराजित यात्रा कायम राख्यो।
अब पुलिसले अन्तिम खेलमा आज माल्दिभ्सको पुलिस सर्भिससँग खेल्नेछ।
उपाधिका पुलिसले भोलि साँझ प्रतिस्पर्धा गर्नेछ।
यसअघि पुलिसले तेस्रो खेलमा ताजकिस्तानको डाइमेड भलिबल क्लबविरूद्ध ३-० को सोझो सेटमा जित निकालेको थियो।
सोमबार पुलिसले श्रीलंका एयर फोर्सलाई ३-० ले हराएको थियो। नेपालको च्याम्पियन क्लबको हैसियतमा प्रतियोगितामा भाग लिएको पुलिसले आइतबार भएको पहिलो खेलमा उज्वेकिस्तानको हुमो भिसीलाई ३-० को सोझो सेटमा पराजित गरेको थियो।
प्रतियोगितामा नेपाल, माल्दिभ्स, उज्वेकिस्तान, श्रीलंका, ताजकिस्तान र कीर्गिस्तानका क्लबको सहभागिता छ।
-1742801159.jpg)
