पहिलो संस्करणको एभरेस्ट महिला भलिबल लिगमा ६ टोलीबीच प्रतिस्पर्धा हुने भएको छ। इन्फिनिटी ड्रीम्स प्रालिले आयोजना गर्न लगेको लिगमा सहभागी हुने ६ टोलीको नाम बिहीबार घोषणा गरिएको हो।
लिगमा टिम काठमाडौं, ललितपुर, मधेश, गण्डकी, चितवन र कर्णालीले भाग लिने आयोजकले घोषणा गरेको हो।
लिगका लागि यसअघि नै इन्फिनिटी ड्रिम्सले नेपाल भलिबलसँग सम्झौता गरेको थियो।
नेपालमा पहिलो पटक आयोजना हुने लागेको महिला भलबिल फ्रेञ्चाइज लिग आमिर अख्तरको नेतृत्वमा आयोजना हुन लागेको हो।अख्तरले यसअघि एभरेस्ट प्रिमियर लिग फ्रेञ्चाइज क्रिकेट आयोजना गरेका थिए।
भलिबल लिगको फ्रेन्चाइजी क्लबले ३-३ जना विदेशी खेलाडी अनुबन्ध गर्न पाउनेछन्।
