नेपालकी कराते स्टार एरिका गुरुङले विश्व चर्चित कराते-१ प्रिमियर लिगमा कास्य पदक जितेकी छन्।
एरिकाले मोरक्कोमा भएको प्रतिस्पर्धाको ६८ केजी माथि तौल समूहमा कास्य पदक जितेकी हुन्।
आइतबार राति भएको कास्य पदकको भिडन्तमा उनले फ्रान्सकी पिए क्लेमेन्सलाई ६-२ अंकले पराजित गरिन्।
उनी करते प्रिमियर लिगमा पहिलो पदक जित्ने नेपाली खेलाडी समेत बनिन्। यसअघि प्रतियोगितामा छनोट भएसँगै एरिका यस्तो प्रतियोगितामा भाग लिने समेत पहिलो खेलाडी बनेकी थिइन्।
यसअघि सेमिफाइनलमा पराजित भएकी एरिकाले कास्य पदकका लागि भिड्ने मौका पाएकी थिइन्। सेमिफाइनलमा एरिकालाई हराएकी मारिया टोरेसले यो तौल समूहमा स्वर्ण जितेकी छिन्।
एरिका एसियाली खेलकुदमा नेपालका लागि रजत विजेता खेलाडी हुन्। उनले चीनको हान्झाउमा भएको एसियाली खेलकुदमा रजत पदक जितेकी थिइन्।
यो पनि :- विदेश जाने सोच त्यागेर करातेमा समर्पित भएकी ऐतिहासिक पदक विजेता एरिका (भिडिओ)
