गोल्डेनगेट बास्केटबल क्लबले हिमालयन जाभा बास्केटबल लिग (एचजेबीएल) मा हाउण्ड्स एकेडेमीको अपराजित यात्रामा ब्रेक लगाएको छ ।
लिग अन्तर्गत शनिवार भएको रोमाञ्चक खेलमा गोल्डेनगेटले हाउण्ड्सलाई ७९-७५ ले पराजित गरेको हो ।
कीर्तिपुर कभर्डहलमा भएको निकै प्रतिस्पर्धात्मक खेलमा हाउण्ड्सले पहिलो क्वाटर आफ्नो पक्षमा पारेपनि त्यसपछि गोल्डेनगेटले खेलमा पुनरागमन गरेको थियो ।
हाउण्ड्सले पहिलो क्वाटरमा २०-१६ को अग्रता लिएको थियो । दोस्रो क्वाटरमा गोल्डेनगेटले पुनरागमन गर्दै २५-२१ ले आफ्नो पक्षमा पारेपछि हाफ टाइममा ४१-४१ को बराबरी भएको थियो ।
तेस्रो क्वाटरमा हाउण्ड्सले १९-१८ ले आफ्नो पक्षमा पार्दै १ अंकको झिनो अग्रता बनाएको थियो । तर चौथो तथा निर्णायक क्वाटर २०-१५ ले आफ्नो पक्षमा पारेपछि गोल्डेनगेटले रोमाञ्चक जित हात पारेको हो ।
गोल्डेनगेटका लागि अभिषेक सिंहले २४ अंक स्कोर गरे । अभिषेक सिंह मोस्ट भ्यालुएबल प्लेअर घोषित भए ।
यस्तै हाउण्ड्सका लागि बिजय बुर्जाले सर्वाधिक २५ अंक स्कोर गरे ।
लिगमा गोल्डेनगेटको यो तेस्रो जित हो । चार खेलमा ३ जित र १ हारबाट ७ अंक जोडेको छ । हाउण्ड्सको पनि पहिलो हारपछि चार खेलबाट समान ७ अंक नै छ ।
लिग अन्तर्गत शनिवारै भएको पहिलो खेलमा टाइम्स बास्केटबल क्लबले कीर्तिपुर क्लबलाई ७६-७२ ले पराजित गरेको छ ।
तीन क्वाटर टाइम्सले बफ्नो पक्षमा पारेको थियो । चौथो क्वाटरमा पुनरागमन गर्दै खेलमा फर्कने प्रयास गरेको कीर्तिपुरले अन्तिम समयमा टाइम्सलाई रोक्न सकेन ।
टाइम्सले सुरुवाती तीन क्वाटर २१-१९, २५-२१, १८-१२ ले आफ्नो पक्षमा पारेको थियो । कीर्तिपुरले चौथो क्वाटर २०-१२ ले आफ्नो पक्षमा पारेको थियो ।
टाइम्सका लागि कप्तान सदिश प्रधानले २२ अंक स्कोर गरे । उनी खेलको मोस्ट भ्यालुएबल प्लेअर घोषित भए ।
कीर्तिपुरका लागि सयुन राईले सर्वाधिक २३ अंक स्कोर गरे ।
लिगमा टाइम्सको यो दोस्रो जित हो । चार खेलमा २ जित र २ हारबाट टाइसको ६ अंक भएको छ । सुरुवाती दुई खेल जितेको कीर्तिपुरको यो लगातार दोस्रो हार हो । कीर्तिपुरको पनि समान ६ अंक नै छ ।
-1742801159.jpg)
