नेपाल हक्की संघले पुरूष र महिलाको राष्ट्रिय प्रतियोगिता गर्ने भएको छ।
आफ्नो वार्षिक कार्यक्रम अनुसार संघले वैशाख १७ गतेदेखि २६ गतेसम्म "राष्ट्रिय पुरुष हक्की प्रतियोगिता" र वैशाख १८ गते देखि २६ गतेसम्म "राष्ट्रिय महिला हक्की प्रतियोगिता आयोजना गर्ने भएको हो।
प्रतियोगिताका खेल च्यासल मैदानमा हुनेछन्। पुरूषतर्फ ८ टोली र महिलातर्फ ४ टोलीले भाग लिनेछन्।
पुरुषमा मधेश, कर्णाली, त्रिभुवन आर्मी, गण्डकी, कोशी, बागमती, नेपाल पुलिस र एपीएफ क्लब सहभागी हुने छन्। एपीएफ हक्कीमा नयाँ टोली पनि हो। पुरुषमा सहभागी टोलीलाई २ समूहमा विभाजन गरी लिग कम नकआउट आधारमा खेल खेलाइने छ ।
महिलामा सहभागी हुने आर्मी, गण्डकी, मधेस र बागमती प्रदेशले राउन्ड रोविन लिगका आधारमा प्रतिस्पर्धा गर्ने छ। राउन्ड रोविन लिगपछि शीर्ष दुई स्थानमा रहने टोलीबीच उपाधि भिडन्त हुनेछ।
पुरुष तथा महिला दुवै प्रतियोगितामा शीर्ष तीन स्थान हात पार्ने टिमले क्रमशः ७५ हजार, ५० हजार र २५ हजार नगद पुरस्कार प्राप्त गर्ने छन्। विधागत उत्कृष्ट खेलाडीलाई जनही ५ हजार नगद पुरस्कार प्रदान गरिने छ। प्रत्येक खेलको 'प्लेयर अफ द म्याच लाई २ हजार नगदबाट पुरस्कृत गरिने छ। राष्ट्रिय पुरुष हक्की प्रतियोगिता सञ्चालन गर्न ३५ लाख र महिलतर्फ २५ राख खर्च हुने अनुमान गरेका छ।
हक्कीको पूर्वाधार नभएको अवस्थामा संघले पूर्वाधार निर्माणका लागि धुलिखेलमा जग्गा समेत प्राप्त गरेको संघको भनाइ छ। संघले दुई वर्षभित्र पूर्वाधार बन्ने विश्वास व्यक्त गरेको छ।
