नेपाल कुस्ती संघको आयोजनामा तेस्रो रामबृक्ष यादव राष्ट्रिय महिला तथा पुरुष कुश्ती प्रतियोगिताको उपाधि त्रिभुवन आर्मी क्लबले जितेको छ ।
शनिबार सम्पन्न प्रतियोगितामा आर्मी क्लबले ६ स्वर्ण, ४ रजत तथा १ कास्य पदक जितेको हो ।
प्रतियोगितमा नेपाल एपिएफ क्लबले दोस्रो स्थान पाएको छ । एपिएफले ३ स्वर्ण , ३ रजत तथा एक कास्य पदक जितेको हो । यसैगरी ३ स्वर्ण, २ रजत तथा दुई कास्य पदकका साथ मधेश प्रदेश तेस्रो भएको छ । महिला तर्फ आर्मीकी शुसिला चन्द तथा पुरुष तर्फ मधेशका राज यादव उत्कृष्ट खेलाडी घोषित भए ।
प्रतियोगिताका विजोत टेली तथा खेलाडीलाई गण्डकी प्रदेशका पूर्व सभासद दिपक कोइराला र राष्ट्रिय खेलकुद परिषद्का पूर्व उपाध्यक्ष शिब कोइराला तथा नेपाल कुस्ती संघका अध्यक्ष प्रकास कुमार कुसारीले पुरस्कार प्रदान गरे ।
प्रतियोगिताको शनिबार नै राष्ट्रिय खेलकुद परिषद्का सदस्य सचिव टंक लाल घिसिङले उद्घाटन गरेका थिए ।
उद्घाटन समारोहमा राष्ट्रिय खेलकुद परिषद्का सदस्य, अञजन धमला, दिपेन्द्र विष्ट, फुल कन्ट्याक्ट एतिमी क्योकुसिनका भेट्रान खेलाडी प्रदिप थापा, राखेप सदस्य हिमाल श्रेष्ठ र अञ्जना मास्केको उपस्थिति थियो ।
त्रिपुरेश्वरस्थित राष्ट्रिय खेलकुद परिषद्को कभर्डहलमा भएको प्रतियोगितामा ३ विभागीय टोली तथा ४ प्रदेश टोलीका अन्दाजी ९० खेलाडीको सहभागिता र्ह्यो ।
-1743864855.jpeg)
