नेपाल सुपर लिग (एनएसएल) मा धनगढी एफसी प्लेअफमा पुगेको छ।
शनिबार भएको खेलमा झापा एफसीलाई १-० गोलले हराउँदै धनगढी प्लेअफमा पुग्यो।
धनगढी प्लेअफमा पुग्ने दोस्रो टोली बन्यो। यसअघि साविक विजेता ललितपुर सिटी एफसी पनि प्लेअफमा पुग्ने पक्का भएको थियो।
धनगढीको जितमा अहमद हिजाजीले खेलको ६० मिनेटमा गोल गरेका थिए।
धनगढीले ५ खेलबाट ११ अंक जोडेको छ। उसले तीन खेलमा जित र दुई बराबरी खेलेको छ। दोस्रो स्थानको ललितपुरको पनि ११ अंक छ।
