नेपाल सुपर लिग (एनएसएल) अन्तर्गत शुक्रबार दशरथ रंगशालामा भएको खेलमा धनगढी एफसीले काठमाडौं रेजर्स एफसीलाई ३–१ गोलले पराजित गरेको छ।
धनगढीका लागि अहमद हिजाजीले ह्याट्रिक गर्दै आफ्नो टोलीलाई अपराजित यात्रा कायम राख्न योगदान गरे।
खेलमा काठमाडौंले अग्रता लिएको थियो। २१ औं मिनेटमा डिएपले गोल गर्दै टिमलाई सुरुवाती खुसी दिलाएका थिए।
त्यसपछि भने हिजाजीले १२ मिनेटको अन्तरमा ह्याट्रिक पूरा गर्दै आफ्नो जादू देखाए। उनले ३५, ४१ र इन्जुरी समय ४५+२ मिनेटमा गोल गर्दै ह्याट्रिक पूरा गरे।
वर्षाका बीच सम्पन्न खेलको दोस्रो हाफमा दुवै टोलीबाट कुनै गोल भएन।
जितसँगै धनगढी एफसी ४ खेलबाट ८ अंक जोड्दै अंक तालिकाको शीर्ष स्थानमा उक्लिएको छ। प्लेअफ पुग्ने सम्भावना बलियो बनाएको धनगढी यस प्रतियोगितामा अहिलेसम्म अपराजित छ।
पाँच खेलबाट ५ अंक मात्रै जोडेको काठमाडौं रेजर्सको प्लेअफ यात्रा भने कठिनबन्दै गएको छ। काठमाडौंका लागि अन्तिम चारमा पुग्न चुनौतीपूर्ण बनेको छ।
