युरोपेली च्याम्पियन्स लिगको क्वाटरफाइनल खेलमा बार्सिलोनाले डर्टमन्डमाथि सानदार जित निकालेको छ।
क्वार्टरफाइनलको पहिलो लेग अन्तर्गत गएराति भएको खेलमा बार्सिलोनाले डर्टमन्डलाई उसकै घरमा ४-० गोलले पराजित गरेको हो।
डर्टमन्डविरूद्धको जितमा रोबर्ट लेवान्डोस्कीले दुई गोल गरे।
खेलको २५ मिनेटमा राफिन्हाको गोलबाट बार्सिलोनाले अग्रता लिएको थियो।
त्यसपछि तीनै गोल दोस्रो हाफमा भएको थियो।
दोस्रो हाफको ४८ र ६६ मिनेटमा लेवान्डोस्कीले गोल गरे।
७७ मिनेटमा लामिन यमालको गोल निर्णायक बन्दा बार्सिलोनाले पहिलो लेगमा बलियो नतिजा ल्याएको हो।
दोस्रो लेग अप्रिल १६ मा हुनेछ।
गएराति नै बायर्न म्युनिख इन्टर मिलानसँग पराजित भएको छ।
एलियान्ज एरेनामा बायर्न इन्टसँग १-२ गोलले पराजित भएको हो।
३८ मिनेटमा लाउटारो मार्टिनेजले गोल गर्दै इन्टरलाई अग्रता दिलाएका थिए।
बायर्नका थोमस मुलरले ८५ मिनेटमा बराबरी गोल फर्काए। ८८ मिनेटमा इन्टरका डेविड फ्रातेसीले गोल थपेपछि पहिलो लेगमा बायर्न पराजित भएको हो।
दोस्रो लेग अप्रिल १७ मा हुनेछ।
