नेपाल सुपर लिग (एनएसएल) फ्रेञ्चाइज फुटबल प्रतियोगिताअन्तर्गत बिहीबारको खेल बराबरीमा सकिएको छ।
दशरथ रंशगालामा काठमाडौं रेजर्स एफसी र झापा एफसीले गोलरहित बराबरी खेल्दै अंक बाँडेका हुन्।
दोस्रो हाफमा काठमाडौंका डिपोओले पाएको दुई अवसर खेर फालेका थिए। पहिलो अवसरमा उनले वान भर्सेस वानमा गोल गर्न सकेनन भने दोस्रो अवसरमा उनको प्रहारले गोलपोस्टको दिशा लिन सकेन।
त्यसअघि झापाका लाजारको प्रहारलाई काठमाडौंका गोलकिपर अशोक बरालले विफल पारे।
पहिलो हाफमा पनि काठमाडौंले अवसर खेल फालेको थियो। डिपोओ र जिलेस्पीजंग कार्की पाएका अवसरमा चुकेका थिए।
यसअघि पहिलो खेलमा काठमाडौंले साविक विजेता ललितपुर सिटी एफसीसँग बराबरी खेलेको थियो। झापाले भने बुटवल लुम्बिनीसँग गोलरहित बराबरी खेलेको थियो।
