नेपाल सुपर लिग (एनएसएल) फ्रेञ्चाइज फुटबल प्रतियोगितामा ललितपुर सिटी एफसीले पहिलो जित निकालेको छ।
दशरथ रंगशालामा बुधबार भएको खेलमा ललितपुरले पोखरा थन्डर्स एफसीमाथि ३-२ गोलको जित निकाल्यो।
ललितपुरको जितमा जोनाथन कान्टिलालनाले दुई गोल गरे। उनले खेलको ११ मिनेटमा पहिलो गोल गर्दा ७५ मिनेटमा व्यक्तिगत दोस्रो र टिमका लागि तेस्रो गोल गरेका थिए।
त्यसअघि ललितपुरका लागि इमोह इजिकेलले पहिलो हाफको इन्जुरी समयको पाँचौ मिनेटमा दोस्रो गोल गर्न सफल भएका थिए। उनले कान्टिलालनाको पासमा गोल गर्न सफल भएका थिए।
पोखराका लागि समिर तामाङले ४२ मिनेटमा बराबरी गोल गर्न सफल भएका थिए। तर त्यसपछि ललितपुरले दुई गोल गर्यो।
पोखराका लागि आइडोले दोस्रो हाफको इन्जुरी समयको दशौं मिनेटमा दोस्रो गोल गरे पनि उसलाई खेलमा फर्कन ढिलो भइसकेको थियो।
यसअघि साविक विजेता ललितपुरले पहिलो खेलमा काठमाडौं रेजर्स एफसीसँग बराबरी खेलेको थियो। पोखरा भने लगातार दुई खेलमा पराजित भयो। यसअघि पोखरालाई एफसी चितवनले हराएको थियो।
-1743603638.jpg)
