झापा फुटबल क्लबले नेपाल सुपर लिग (एनएसएल) २०२५ को लागि हिमालयन बैंकलाई आफ्नो आधिकारिक बैंकिङ साझेदारको रूपमा घोषणा गरेको छ।
बैंक र क्लबबीच साझेदारी भएको आइतबार घोषणा गरिएको हो।
साझेदारीपछि झापाका महासचिव सुजन गौतमले खुसी व्यक्त गरे। उनले भने, ‘हिमालयन बैंकको विश्वास र समर्थनले हाम्रो क्लबलाई अझ मजबुत बनाउनेछ। साथै, यस साझेदारीले वित्तीय व्यवस्थापनलाई व्यवस्थित बनाउँदै, हाम्रो ध्यान खेलमा केन्द्रित गर्न मद्दत गर्नेछ।’
हिमालयन बैंकका प्रमुख कार्यकारी अधिकृत अशोक शम्सेर राणाले पनि झापासँग सहकार्य गर्न पाएकोमा खुसी व्यक्त गरे।
‘नेपालमा फुटबलको विकासका लागि हाम्रो संस्थाले निरन्तर योगदान गर्दै आएको छ, र यो साझेदारीले खेलाडीहरूलाई अझ राम्रो अवसर प्रदान गर्नेछ। हामी झापा एफसीलाई नेपाल सुपर लिग २०२५ मा सफलताको शुभकामना व्यक्त गर्न चाहन्छौं,’ राणाको भनाइ छ।
