च्यासल युथ क्लबका फरवार्ड सन्तोष साहुखलले नेपाली फुटबलको स्तर माथि नपुगेको बताएका छन्।
सिजनको ए डिभिजन लिग खेल्नका लागि नेपाल आएका सन्तोषले सोमबार भएको खेलमा २ गोल गरेका थिए।
पछिल्लो समय जापान बस्दै आएका सन्तोषले आफूले जापानमा धेरै कुरा सिकेर आएको बताए।
संकटाविरुद्द्धको खेलमा जित हात पारेपछि भएको पोस्ट म्याच कन्फरेन्समा बोल्दै उनले ए डिभिजन तालिकाअनुसार आफ्नो समय मिलाएर नेपाल आएको बताए।
उनले लिगको समय तलमाथि भएमा लिगको सबै खेल खेल्न नसक्ने पनि बताए।
यता च्यासलसँग पराजित भएपछि संकटाका प्रशिक्षक विजय महर्जनले विदेशी खेलाडीलाई खेलाउन नपाउनदा हार बेहोरेको बताए।
तस्बिर : विवेक सुवेदी/एन्फा'हामी विदेशी खेलाडीको भरमा थियौं,' उनले भने,'तर आजको खेलमा उनीहरूलाई खेलाउन नपाउदा हार्यौं।'
उनले अघि भने,'विदेशीबिना नेपाली टिम नै हुँदैन जस्तो लागिरहेको छ।'
