श्रीलंकामा जारी साफ यू–१७ च्याम्पियनसिपमा नेपालको यात्रा सेमिफाइनलमै रोकिएको छ।
बिहीबार कोलम्बोमा भएको दोस्रो सेमिफाइनलमा भारतसँग नेपाल ३-० गोलले पराजित भएको हो।
पहिलो हाफ गोलरहित बराबरीमा सकिदा नेपालले तीनै गोल दोस्रो हाफमा खायो।
आजै भएको पहिलो सेमिफाइनलमा बंगलादेशले पाकिस्तानलाई २-० गोलले हराएको थियो।
समूह ‘ए’ उपविजेता बनेको नेपालले फाइनल प्रवेशका लागि समूह ‘बी’ को विजेता भारतसँग प्रतिस्पर्धा गरेको हो।
समूह चरणमा नेपालले बंगलदेशसँग ४-० को हार ब्यहोर्दा श्रीलंकालाई २-० गोलले हराएको थियो। बंगलादेशले भने नेपाल र श्रीलंका दुवैलाई ४-० गोलले पराजित गरेको थियो।
-1746009348.jpg)
