भारतलाई रोक्न श्रीलंकालाई गाह्रो


भारतविरुद्ध दोस्रो टेस्टमा फलोअनमा परेको श्रीलंकाले दोस्रो इनिङमा केही राम्रो ब्याटिङ गरेको छ। श्रीलंकाका लागि कुसल मेन्डिसले शतकीय तथा दिमुथ करुणारत्नेले अविजित ९२ रन बनाएपछि घरेलु टोली २ सय ३० रनले पछाडि परेको छ।

भारतले पहिलो इनिङमा बनाएको ६ सय २२ रनको लक्ष्य पछ्याउने क्रममा श्रीलंकाले १ सय ८३ रन मात्र बनाएको थियो। फलोअन रोक्न नसकेको श्रीलंकाले दोस्रो इनिङमा २ विकेटको क्षतिमा २ सय ९ रन बनाएको छ। उपुल थरङ्गा टोलीको स्कोर ७ रन हुँदा आउट भएका थिए।

तर, मेन्डिस र करुणारत्नेले १ सय ९१ रनको साझेदारी गर्दै घरेलु टोलीको स्थिति सुदृढ पारेका थिए। मेन्डिसले १ सय १० रन बनाए।

Share:

© 2017 Setopati Sanchar Pvt. Ltd.