भक्तपुर जिल्ला क्रिकेट संघको अध्यक्षमा मनिषराज पाण्डे निर्वाचित भएका छन्। पाण्डे नेपालका पूर्वअन्तर्राष्ट्रिय खेलाडी हुन्।
सोमबार भएको निर्वाचनमा उनले रूपक रञ्जितलाई २ भोटले पराजित गरे। पाण्डेले १४ भोट पाउँदा रञ्जितले १२ भोट पाए।
उपाध्यक्षमा धर्मसुन्दर शाक्य १४ भोट ल्याएर निर्वाचित हुँदा कुन्दराज सुवेदीले १२ भोट पाए।
सचिवमा संजय बस्नेत र किशोर चौगुठीले सामान १३-१३ भोट ल्याए। गोलप्रथामा बस्नेत विजयी भए।
कोषाध्यक्षमा कवि खागी १४ भोटसहित विजयी हुँदा सागर पिलखेल १२ भोटसहित पराजित भए।
सदस्यमा सुरज रत्न शाक्य, स्वस्तिका पौडेल, बुद्धिराम तामाङ,अभय राणा, नगेन्द्र भट्टराई, रोम श्रेष्ठ, मधु मर्दन राज शर्मा, सुमन रञ्जितकार, राजेश ठाकुर र रत्नहरी प्रधानांग विजयी भए।
