दाङको बबई नदीमा एकजनाको शव फेला परेको छ ।
बाढीले बगाएर ल्याएको अवस्थामा तुलसीपुर उपमहानगरपालिका वडा नं. ११ स्थित ढकनाको नर्सरीमा शव फेला परेको ईलाका प्रहरी कार्यालय तुलसीपुरले जानकारी दिएको छ । यो खबर तयार पार्दासम्म मृतकको पहिचान खुल्न नसकेको प्रहरीले जानकारी दिएको छ । दाङमा बाढीका कारण तीन जनाको मृत्यु भएको थियो भने एक जना बेपत्ता थिए ।
तुलसीपुर उपमहानगरपालिका वडा नं. ११ निवासी ४० वर्षीय मेघबहादुर केसी स्थानीय क्वाङखोलामा आएको बाढीले बगाउँदा बेपत्ता भएका छन् । उनलाई क्वाङखोलाले आइतबार बेलुका बगाएको भएपनि हालसम्म उनको अवस्था अज्ञात नै छ । केसीको खोजी कार्य जारी रहेको प्रहरीले जानकारी दिएको छ ।
