दाङले पहिलो पटक महिला प्रहरी प्रमुख पाएको छ। जिल्ला प्रहरी प्रमुखका रुपमा दुर्गा सिंह चन्दको दाङ सरूवा भएपछि उनी दाङकी पहिलो महिला प्रहरी प्रमुख बनेकी हुन्।
प्रहरी प्रधान कार्यालय काठमाडौंको महिला बालबालिका सेलमा कार्यरत सिंहलाई गृह मन्त्रालयले दाङको प्रहरी प्रमुखको रुपमा खटाउने निर्णय गरेको हो।
प्रहरी प्रधान कार्यालयले मंगलबार प्रकाशित गरेको सरूवा सूचीमा सिंहलाई दाङको प्रहरी प्रमुखका रुपमा खटाइएको उल्लेख छ ।
यसैबीच हालसालै एसएसपीमा बढुवा भएका दाङका प्रहरी प्रमुख धिरजप्रताप सिंहलाई प्रहरी प्रधान कार्यालय अनुसन्धान ब्युरो विशेष अपराध अनुसन्धान महाशाखा काठमाडौं गएका छन्।
