साईड नदिएको भन्दै स्थानीयले ‍ट्रिपर चालकलाई पिटे


काठमाडौंको दक्षिणकालीमा ट्रिपरले साईड नदिएको भन्दै स्थानीयले चालकमाथि कुटपिट गरेका छन्।

सोमबार साँझ बा ४ ख ४९३३ नम्बरको ट्रिपरले साईट नदिएको भन्दै स्थानीय दिपेश केसी, उनकी श्रीमती सरस्वती उप्रेती, रमेश श्रेष्ठलगाएतका ब्यक्तिले ट्रिपर चालक काभ्रेका श्याम खड्कालाई कुटपिट गरेको प्रहरीले जनाएको छ।

उनीहरुको कुटाईबाट चालक खड्का गम्भीर घाईते भएको र उनको मनमोहन अस्पताल  फर्पिङमा उपचार भईरहेको प्रहरीले जनाएको छ।

चालक कुटपिट गर्नेलाई प्रहरीले नियन्त्रणमा लिएर आवश्यक अनुसन्धान थालेको प्रहरीले जनाएको छ।

Share:

© 2017 Setopati Sanchar Pvt. Ltd.