काठमाडौंको थानकोटबाट अवैध लागूऔषधसहित योगी सागर नाथ (बाबा) पक्राउ परेका छन्।
काठमाडौंको साँखुस्थित नारायण मन्दिरमा बस्दै आएका २८ वर्षिय बाबा सागर नाथ ७५ थान फेनारगन र डाईजेपामसहित पक्राउ परेको काठमाडौं प्रहरी प्रमुख एसएसपी विश्वराज पोखरेलले जानकारी दिए।
गोरखाबाट काठमाडौं आउँदै गरेका बेला नियमित चेकजाँचका क्रममा उनी पक्राउ परेको एसएसपी पोखेलले बताए।
पक्राउ परेका बाबाले बरामद गरिएको लागूऔषध आफैँ सेवन गर्नेका लागि खरिद गरेको बयान दिएका छन्। पक्राउ परेको बाबालाई प्रहरी हिरासतमा राखी थप अनुसन्धान अघि बढाइएको प्रहरीले जनाएको छ ।
