नेकपा एमालेको महाधिवेशनस्थल भित्र नेतृत्व चयनका लागि मतदान जारी रहँदा बाहिरको दृष्य भने फरक देखिएको छ।
मतदान हलभित्र प्रतिनिधिहरू मताधिकार प्रयोगमा व्यस्त छन् भने बाहिर समर्थक, नेता–कार्यकर्ता र सञ्चारकर्मीको बाक्लो उपस्थिति देखिन्छ।
महाधिवेशन स्थलको मुख्य प्रवेशद्वारदेखि वरिपरिका खुला क्षेत्रमा समूह–समूहमा बसेर प्रतिनिधिहरू नतिजाको अनुमान गर्दै छलफलमा जुटेका छन्।
यसैगरी प्रतिनिधिहरू मतदानमा लाइन भएपछि चौरमा घाम ताप्दै, बदाम सुन्तला खाँदै बसेका छन्।
मतदानको पालो कुर्दै बसेका प्रतिनिधिहरूको लामो लाइनले बाहिरको वातावरण चहलपहल बनेको छ।
लाइनमा उभिएका प्रतिनिधिहरू बीच संगठन, नेतृत्व र आगामी कार्यदिशाबारे अनौपचारिक बहस चलिरहेको देखिन्छ।
महाधिवेशनस्थल बाहिर सुरक्षाकर्मीहरू पनि उच्च सतर्कतामा छन्।
मतदान सकिएपछि आउने परिणामले पार्टीको आगामी नेतृत्व र राजनीतिक दिशालाई निर्धारण गर्ने भएकाले महाधिवेशनस्थल बाहिरको यो दृष्य एमालेको आन्तरिक राजनीतिमा चलिरहेको हलचलको प्रतिविम्ब बनेको छ।
तस्बिरहरू:
-1765957056.jpg)
-1765957054.jpg)
-1765957053.jpg)
-1765957053.jpg)
-1765957054.jpg)
-1765957055.jpg)
-1765957055.jpg)
-1765957052.jpg)
-1765957050.jpg)
-1765957055.jpg)
-1746009348.jpg)
