उपप्रधानमन्त्रीसमेत रहेका सहरी विकास मन्त्री प्रकाशमान सिंहले जनतालाई सकारात्मक प्रभाव पार्ने प्रविधिमा ध्यान दिनुपर्ने बताएका छन्।
सेन्टर फर डेमोक्रेटिक इञ्जिनियर्स एसाेसिसयसनले बिहीबार गरेको 'भविष्य निर्माणमा नवप्रवर्तन र दिगाे विकास' विषयक राष्ट्रिय सम्मेलन उद्घाटन गर्दै उनले राष्ट्रकाे आवश्यकता र समयकाे मागअनुसार विकास नीति अघि बढाउनुपर्ने बताए।
‘नेपालका लागि काम लाग्ने इनाेभेससनमा जाेड दिनुपर्याे। आम नेपाली जनतालाई सकारात्मक प्रभाव पार्ने प्रविधि अघि बढाउँदा राम्राे हुन्छ,’ उनले भने।
उपप्रधानमन्त्री सिंहले विकासकाे काम अघि बढाउँदा दिगाे विकासमा ध्यान दिनुपर्ने पनि बताए।
फरक सन्दर्भमा उनले वैशाख ११ गते नेपालकाे राजनीतिक इतिहासमा विशिष्ट महत्त्व रहेको बताए।
केन्द्रीकृत शासन प्रणालीबाट संघीयता र राजतन्त्रबाट गणतन्त्रमा जाने दिनका रूपमा वैशाख ११ काे विशेष महत्व रहेकाे भन्दै सिंहले लाेकतन्त्र दिवसकाे शुभकामना दिए।
उनले लाेकतन्त्र लामाे संघर्षबाट प्राप्त भएकाे भन्दै यसकाे महत्त्व बुझ्न आग्रह गरेका छन्।
अहिले अधिकारकाे कुरा मात्रै धेरै हुने गरेकाे भन्दै उनले अधिकारसँगै आफ्नाे जिम्मेवारीमा पनि जाेड दिनुपर्ने बताए।
