राष्ट्रिय स्वतन्त्र पार्टीका सभापति रवि लामिछानेले सभामुख देवराज घिमिरेलाई भेटेर सांसद पद निलम्बन फुकुवाका लागि आग्रह गर्ने भएका छन्।
सभापति लामिछानेसहित सांसदहरूले मंगलबार बिहान १० बजे सांसद पद फुकुवाका लागि सभामुख घिमिरेलाई भेट्न लागेको रास्वपाका कार्यवाहक प्रवक्ता मनिष झाले जानकारी दिए।
गत कात्तिक २ गते सभापति लामिछाने सहकारी ठगी, संगठित अपराध र सम्पत्ति शुद्धीकरण अभियोगमा पक्राउ परेका थिए।
सोही अभियोगमा मुद्दा दर्ता भएपछि गत पुस ८ गते उनको सांसद पद निलम्बन भएको थियो।
