वर्षाका कारण पोखरा लेखनाथ महानगरपालिका वडा नम्बर २४ कास्कीकोटमा पहिरोले एउटा घर पुरिएको छ । राति करिब १ बजे तिर गएको पहिरोका कारण कास्कीकोटको बनपालेका डिल्लीराम सुवेदीको घर पुरिएको हो। घर पुरिएपछि घरमा सुतिरहेका ४ जना मध्ये डिल्लीराम सुवेदी घाईते भएका छन् ।
सुतिरहेको अवस्थामा एक्कासी पहिरो गएको र श्रीमती, छोरा र छोरी भाग्न सफल भएको पारिवारिक स्रोतले जनाएको छ । घर पुरिएपछि घरमा रहेको अन्नबाली, लत्ता कपडा नष्ट भएको छ । पहिरोका कारण घाईते सुवेदीलाई अस्पताल लगिएको छ ।
