अब धुलिखेलमा जिपलाइनमा विदेशी पर्यटकलाई पनि आन्तरिक पर्यटक सरह शुल्क लाग्ने भएको छ।
यसअघि नेपाली, सार्क देशका नागरिक र अन्य देशका नागरिकका लागि ३ प्रकारको छुट्टाछुट्टै शुल्क लाग्ने गरेकोमा अब विदेशीलाई पनि आन्तरिक पर्यटक सरह शुल्क लाग्ने निर्णय गरिएको धुलिखेल जिपलाइनका अध्यक्ष केदार थापाले बताए।
नेपाली र अन्य सबै देशका नागरिकलाई समान आर्थिक व्यवहार गर्नका लागि यसो गरिएको धुलिखेल जिपलाइनका सिइओ भुपेश श्रेष्ठले बताए।
यसअघि क्लासिक (साधारण) जिपलाइनको नेपालीका लागि दुई हजार पाँच सय, सार्क देशका नागरिकका लागि ३० डलर र अन्य देशका नागरिकलाई ३५ डलर राखिएको थियो।
यस्तै, सुपरम्यान जिपलाइनको नेपालीका लागि तीन हजार पाँच सय रुपैयाँ, सार्क देशका नागरिकका लागि ४० डलर र अन्य देशका नागरिक ३५ डलर थियो।
यसैगरी, टेन्डम (जोडी) जिपलाइनका लागि नेपालीलाई चार हजार पाँच सय रुपैयाँ, सार्क देशका नागरिकलाई ५० डलर र अन्य देशका नागरिकलाई ६० डलर तोकिएको थियो।
कम्पनीको यो निर्णयसँगै अब सबै देशका नागरिकले क्लासिक दुई हजार पाँच सय, सुपरम्यान तीन हजार पाँच सय र टेन्डम जिपलाइन चार हजार पाँच सयमा खेल्न पाउने भएका छन्।
