भारतीय कम्पनी युनाइटेड एकता इन्जिनियरिङ प्रालिले नेपालमा आफ्नो नयाँ उत्पादन 'जन्तो' को आगमनको घोषणा गरेको छ।
कम्पनीले काठमाडौंमा आयोजित एक कार्यक्रममा जन्तोका चिम्नी, कुकटप, मिक्सर, प्यान, कुकर, डिनरवेयरजस्ता विभिन्न आधुनिक घरेलु उत्पादन सार्वजनिक गर्दै नेपालमा बिक्रीको लागि उपलब्ध भएको घोषणा गरेको हो। युनाइटेड र युकुक ब्राण्डका विभिन्न सामग्री पनि प्रदर्शनमा राखिएको थियो।
नेपाली भान्सामा जन्तोका उत्पादनले उच्च स्थान पाउनुका साथै कामलाई सहज र अत्याधुनिक तरिकाबाट गर्न मद्दत गर्ने विश्वासका साथ नेपालमा जन्तोलाई ल्याइएको युनाइटेड एकताका अध्यक्ष नावेद अस्रफको भनाइ छ।
कार्यक्रममा डिलरलाई सम्मान तथा रिटेलरलाई चाडपर्वको अवसरमा सर्पाइज कोसेलीको पनि व्यवस्था गरिएको थियो।
जन्तोका सामग्रीहरू नेपालका लागि आधिकारिक एकल वितरक रेसुंगा इन्टरकन्टिनेन्टल प्रालिको माध्यमबाट विभिन्न डिलर र रिटेल पसलमा उपलब्ध हुने बताइएको छ।
लामो समयदेखि भारत, नेपाल, क्यानडा, युके, मरुसिस, फ्रान्स, आदि देशमा रहेका उपभोक्ताले युनाइटेड एकता इन्जिनियरिङ प्रालिलाई विश्वास गर्दै युनाइटेड, युकुक र हाल जन्तो ब्राण्डका उत्पादन रुचाउँदै आएको अध्यक्ष अस्रफले बताए।
