दसैंमा अधिकांशको घरमा मासु पाक्छ। तर कतिपय शाकाहारी हुन्छन् त कतिपयलाई मासु मन पर्दैन। अनि कतिलाई मासु खाँदा खाँदा वाक्क पनि लाग्न सक्छ।
यस्तोमा मासु बाहेक विशेष परिकार के खाने भन्ने लागिरहेको छ भने भटमासको मस्यौरा सोयाचंक्स/सोयाबिन/न्युटेला/नुट्रेलाको छोइला उपयुक्त हुन सक्छ।
आवश्यक सामग्री
- सोयाविनः आधा किलो
- प्याजः चार/पाँच वटा
- हरियो धनियाँ
- हरियो खुर्सानीः दुइटा
- सुकेको खुर्सानीः तीन वटा
- अदुवाः एक टुक्रा
- लसुनः दस पोटी
- गोलभेँडाः ४ वटा
- मेथीः सानो चिया चम्चाको आधा
- तोरीको तेलः ठूलो चम्चाको दुई चम्चा
छोइला बनाउने विधिः
सोयाबिन तातापानीमा पाँचदेखि दस मिनेट भिजाउने।
त्यसपछि त्यसलाई पानी निचरोर एउटा भाँडामा राख्ने।
अब त्यसमा अदुवा र लसुको पेस्ट राम्ररी मोल्ने।
त्यसपछि एउटा प्यानमा थोरै तेल हाल्ने र तताउने। तेलमा अघि मोलेर राखेको सोयाबिन हालेर सानो तापक्रममा एकछिन भुट्ने।
हल्का भुटिएपछि निकाल्ने।
अब प्यानमा जिरा र सकुकेको खुर्सानी भुट्ने। त्यसैगरी गोलभेँडा पनि थोरै तेल राखेर पकाउने।
त्यसपछि अघि भुटेर राखको जिरा, खुसार्नी र गोलभेँडा सम्भव भएसम्म सिलौटामा पिस्ने। नभए मिक्सचरमा पिस्दा पनि हुन्छ।
अब स्वाद अनुसार हरियो धनियाँ, प्याज र हरियो खुर्सानी मसिनो बनाएर काट्ने।
त्यसपछि एउटा प्यानमा फेरि थोरै तेल तताउने, त्यसमा मेथी र मसिनो अदुवाको टुक्रा फुराउने। अघि पिसेको मसला र भुटेर राखेको सोयाबिनमा हाल्ने।
त्यसमा थोरै कागती हालेर मोल्ने।
यसरी तयार भएको स्वादिलो सोयाबिन छोइला यसै वा चिउरासँग खान सकिन्छ।
-1746009348.jpg)
