चालु आर्थिक वर्षको पहिलो चार महिनामा सरकारको खर्च र आम्दानी सुधार देखिएको छ।
भदौ २३ र २४ को आन्दोलनपछिको तथ्यांकअनुसार पहिलो दुई महिनामा राजस्वमा ह्रास देखिएको थियो।
असोज र कात्तिकमा समान्य सुधार भएपछि समग्रमा चार महिनाको अवधिमा राजस्व १ प्रतिशतले बढेको छ।
कात्तिक मसान्तसम्म समग्र राजस्व १ प्रतिशतले बढेर ३ खर्ब २६ अर्ब पुगेको छ। गत वर्ष यो अवधिमा ३ खर्ब २३ अर्ब उठेको थियो।
कर राजस्व ६ प्रतिशतले बढेर ३ खर्ब ६ अर्ब पुगेको छ। गत वर्ष २ खर्ब ८९ अर्ब पुगेको थियो।
गैरकर राजस्वमा ४१ प्रतिशतको गिरावटपछि १९ अर्ब ६५ करोड संकलन भएको छ। गत वर्ष ३३ अर्ब ३४ करोड संकलन भएको थियो।
वैदेशिक अनुदान करिब तीन अर्ब रूपैयाँ संकलन भएको छ।
खर्च तर्फ भने समग्र खर्च १२ प्रतिशतले बढेर ४ खर्ब ६८ अर्ब पुगेको छ। गत वर्ष यही अवधिमा ४ खर्ब १५ अर्ब खर्च भएको थियो।
चालु खर्च नौ प्रतिशतले बढेर ३ खर्ब २० अर्ब पुगेको छ। गत वर्ष यही अवधिमा २ खर्ब ९२ अर्ब खर्च भएको थियो।
पुँजीगत खर्च २६ प्रतिशतले घटेपछि २५ अर्ब ३१ करोड मात्रै संकलन भएको छ। गत वर्ष ३४ अर्ब ५३ करोड संकलन भएको थियो।
वित्तीय व्यवस्थापन खर्च ३९ प्रतिशतले बढेर १ खर्ब २२ अर्ब पुगेको छ। गत वर्ष यही अवधिमा ८७ अर्ब ९६ करोड खर्च भएको थियो।
-1746009348.jpg)
