एएसी ब्लक उत्पादकहरूको पहिलो सम्मेलन हुने भएको छ।
बुधबार राजधानीमा एक कार्यक्रम गर्दै सम्मेलन बारे जानकारी दिइएको हो।
सम्मेलनको मुख्य नारा 'दिगो भविष्य निर्माण' रहेको छ। आयोजकका अनुसार उक्त सम्मेलन शुक्रबार काठमाडौंमा हुने भएको छ।
मुख्यगरी एएसी ब्लकको उपयोगिता बढाउन सम्मेलन आयोजना गर्न लागिएको एएसी ब्रिक उत्पादक संघले बताएको छ।
एएसी उपभोगमा वृद्धि गर्ने तथा दिगो भविष्य निर्माणमा सघाउ पुर्याउने सम्मेलनको मुख्य उद्देश्य हो।
सम्मेलनमा छिमेकी मुलुक भारतबाट समेत विज्ञहरू आउनेछन्। साथै, सम्मेलनमा आर्किटेक्ट तथा स्ट्रक्चरल इञ्जिनियरहरूको सहभागिता रहनेछ।
हाल यहाँ ९ वटा एएसी ब्लक उद्योग सञ्चालनमा छन्। यसमा कुल पाँच अर्ब रूपैयाँ लगानी छ।
उक्त उद्योगमा पाँच हजार जनाभन्दा बढीले प्रत्यक्ष तथा अप्रत्यक्ष रूपमा रोजगारी पाएका छन्।
हाल स्वदेशी एएसी ब्लकको कुल जडित क्षमता २२ सय घन मिटर प्रतिदिन छ। एएसी ब्लकको माग कम भएकाले उद्योगीले कुल क्षमताको २० प्रतिशत उत्पादन गरिरहेका छन्।
