साताको अन्तिम कारोबार दिन अर्थात् बिहीबार नेप्से परिसूचक सामान्य अंकले बढेको छ।
नेप्से २.०८ अंकले बढेर २६५८.०२ विन्दुमा बन्द भएको छ।
यसदिन कारोबार रकम पनि सामान्य बढेको छ।
बुधबार सात अर्ब ५७ करोडको कारोबार भएकोमा बिहीबार सात अर्ब ८७ करोडको कारोबार भएको छ।
अघिल्लो दिनको तुलनामा कारोबार रकम ३० करोड रूपैयाँ वृद्धि भएको हो।
आज ३०८ वटा धितोपत्रको एक करोड ९७ लाख ५४ हजार २४५ कित्ता सेयर किनबेच भएको हो।
बिहीबार ८३ कम्पनीको सेयर मूल्य बढेको छ भने १६१ वटाको घटेको छ। यस्तै, एक कम्पनीको मूल्य स्थिर रहेको छ।
यसदिन नेपाल माइक्रो इन्स्योरेन्स र क्रेस्ट माइक्रो लाइफ इन्स्योरेन्सको मूल्य सर्वाधिक ९.९९ प्रतिशतका दरले बढेको छ।
उक्त कम्पनीको प्रतिकित्ता मूल्य क्रमशः ९४७ रूपैयाँ ८० पैसा र ७८३ रूपैयाँ ६० पैसा कायम भएको छ।
बिहीबार नेपाल हाइड्रो डेभलपर्सको मूल्य सर्वाधिक ६.८८ प्रतिशतले घटेर प्रतिकित्ता मूल्य ७८९ रूपैयाँ ९० पैसामा झरेको छ।
यस्तै, गुराँस लघुवित्तको मूल्य ५.४१ प्रतिशतले घटेर प्रतिकित्ता मूल्य दुई हजार ७६५ रूपैयाँ कायम भएको छ।
बिहीबार ङादी ग्रुप पावरको सर्वाधिक कारोबार भएको छ।
कम्पनीको प्रतिकित्ता ३३९ रूपैयाँमा ७० करोड ३४ लाख रूपैयाँको सेयर कारोबार भएको छ।
यो मूल्य अघिल्लो दिनको तुलनामा ७.१० प्रतिशत बढेको हो।
सर्वाधिक सेयर खरिद–बिक्री हुने दोस्रो कम्पनीमा राधी विद्युत कम्पनी रहेको छ। उक्त कम्पनीको प्रतिकित्ता एक हजार ६१४ रूपैयाँ ९० पैसामा ५७ करोड २३ लाख बराबरको सेयर कारोबार भएको छ।
आज कारोबारमा आएका १३ वटा समूहगत परिसूचकमध्ये चार समूहको परिसूचक बढेको छ भने बाँकी नौ समूहको परिसूचक घटेको हो।
यसदिन लगानी समूहको परिसूचक सर्वाधिक २.३२ प्रतिशतले बढेको छ भने दोस्रोमा व्यापार समूहको परिसूचक २.१इ प्रतिशतले बढेको छ।
