बुधबार पनि नेप्से परिसूचक घटेको छ।
गत आइतबारदेखि घट्न थालेको नेप्सेले यसदिन पनि निरन्तरता पाएको हो।
नेप्से ३२.४४ अंकले घटेर २६५५.८८ विन्दुमा बन्द भएको छ।
यसदिन कारोबार रकम पनि घटेको छ।
मंगलबार आठ अर्ब ३२ करोडको कारोबार भएकोमा बुधबार सात अर्ब ५७ करोडको कारोबार भएको छ।
अघिल्लो दिनको तुलनामा कारोबार रकम ७५ करोड रूपैयाँ कमी आएको हो।
आज ३०८ वटा धितोपत्रको एक करोड ८४ लाख ७७ हजार ७०३ कित्ता सेयर किनबेच भएको हो।
बुधबार २८ कम्पनीको सेयर मूल्य बढेको छ भने २१७ वटाको घटेको छ। यस्तै, एक कम्पनीको मूल्य स्थिर रहेको छ।
यसदिन नेपाल माइक्रो इन्स्योरेन्स र क्रेस्ट माइक्रो लाइफ इन्स्योरेन्सको मूल्य सर्वाधिक ९.९९ प्रतिशतका दरले बढेको छ।
उक्त कम्पनीको प्रतिकित्ता मूल्य क्रमशः ८६१ रूपैयाँ ७० पैसा र ७१२ रूपैयाँ ४० पैसा कायम भएको छ।
मंगलबार कर्पोरेट डेभलपमेन्ट बैंकको मूल्य सर्वाधिक १० प्रतिशतले घटेर प्रतिकित्ता मूल्य दुई हजार २२४ रूपैयाँ ८० पैसामा झरेको छ।
यस्तै, मकर जितुमाया सुरी हाइड्रोपावरको मूल्य ५.५९ प्रतिशतले घटेर प्रतिकित्ता मूल्य ७४० रूपैयाँ कायम भएको छ।
बुधबार राधी विद्युतको सर्वाधिक कारोबार भएको छ।
कम्पनीको प्रतिकित्ता ५७५ रूपैयाँमा ५८ करोड ४२ लाख रूपैयाँको सेयर कारोबार भएको छ।
यो मूल्य अघिल्लो दिनको तुलनामा ३.८० प्रतिशत बढेको हो।
सर्वाधिक सेयर खरिद–बिक्री हुने दोस्रो कम्पनीमा एनआरएन इन्फ्रास्ट्रक्चर रहेको छ। उक्त कम्पनीको प्रतिकित्ता एक हजार ८७९ रूपैयाँमा ५१ करोड ६३ लाख बराबरको सेयर कारोबार भएको छ।
आज कारोबारमा आएका १३ वटा समूहगत परिसूचकमध्ये म्युचुअल फण्ड समूहको परिसूचक बढेको छ भने बाँकी १२ समूहको परिसूचक घट्दा समग्र नेप्से घटेको हो।
यसदिन विकास बैंक समूहको परिसूचक सर्वाधिक १.८८ प्रतिशतले घटेको छ भने दोस्रोमा अन्य समूहको परिसूचक १.८३ प्रतिशतले घटेको छ।
