साताको अन्तिम कारोबार दिन अर्थात् आइतबार नेप्से परिसूचक दोहोरो अंकले घटेको छ।
नेप्से १६.६८ अंकले घटेर २७०६.०४ विन्दुमा बन्द भएको छ।
यसदिन कारोबार रकम पनि घटेको छ।
बिहीबार १० अर्बभन्दा बढीको कारोबार भएकोमा आइतबार आठ अर्ब ४३ करोडको कारोबार भएको छ।
आज ३२८ वटा धितोपत्रको दुई करोड १३ लाख २३ हजार ९६७ कित्ता सेयर किनबेच भएको हो।
आइतबार ५३ कम्पनीको सेयर मूल्य बढेको छ भने १९२ वटाको घटेको छ। यस्तै, एक कम्पनीको मूल्य स्थिर रहेको छ।
यसदिन नेपाल माइक्रो इन्स्योरेन्सको मूल्य सर्वाधिक ९.९९ प्रतिशतले बढेको छ।
उक्त कम्पनीको प्रतिकित्ता मूल्य ६४७ रूपैयाँ ५० पैसा कायम भएको छ।
यस्तै, क्रेस्ट माइक्रो लाइफ इन्स्योरेन्सको मूल्य ९.९८ प्रतिशतले बढेर प्रतिकित्ता मूल्य ५३५ रूपैयाँ ४० पैसा पुगेको छ।
आइतबार हिमालयन पावर पार्टनरको मूल्य सर्वाधिक ७.३३ प्रतिशतले घटेर प्रतिकित्ता मूल्य ६१८ रूपैयाँ ९१ पैसामा झरेको छ।
यस्तै, बलेफी हाइड्रोपावरको मूल्य ७.२७ प्रतिशतले घटेर प्रतिकित्ता मूल्य २२७ रूपैयाँ ४९ पैसा कायम भएको छ।
आइतबार राधी विद्युतको सर्वाधिक कारोबार भएको छ।
कम्पनीको प्रतिकित्ता ५७३ रूपैयाँ ५० पैसामा ६८ करोड ७६ लाख रूपैयाँको सेयर कारोबार भएको छ।
यो मूल्य अघिल्लो दिनको तुलनामा ६.३७ प्रतिशत बढेको छ।
सर्वाधिक सेयर खरिद–बिक्री हुने दोस्रो कम्पनीमा ङादी ग्रुप पावर रहेको छ। उक्त कम्पनीको प्रतिकित्ता ३३० रूपैयाँमा ५७ करोड २७ लाख बराबरको सेयर कारोबार भएको छ।
आज कारोबारमा आएका १३ वटा समूहगत परिसूचकमध्ये उत्पादन तथा प्रशोधन र व्यापार समूहको परिसूचक बढेको छ भने बाँकी ११ समूहको परिसूचक बढेको छ।
यसदिन होटल्स तथा पर्यटन समूहको परिसूचक सर्वाधिक १.३६ प्रतिशतले घटेको छ भने दोस्रोमा वित्त समूहको परिसूचक १.२७ प्रतिशतले घटेको छ।
