साताको अन्तिम कारोबार दिन अर्थात् बिहीबार नेप्से परिसूचक घटेको छ।
नेप्से ५.५७ अंकले घटेर २६७०.७० विन्दुमा बन्द भएको छ।
यसदिन कारोबार रकम भने बढेको छ।
बुधबार चार अर्ब ४८ करोडको सेयर कारोबार भएकोमा बिहीबार पाँच अर्ब ६३ करोडको कारोबार भएको छ।
यो रकम अघिल्लो दिनको तुलनामा १ अर्ब १५ करोड रूपैयाँ वृद्धि भएको हो।
आज ३२१ वटा धितोपत्रको एक करोड १३ लाख ८४ हजार ७२५ कित्ता सेयर किनबेच भएको हो।
बिहीबार ११३ कम्पनीको सेयर मूल्य बढेको छ भने १३१ वटाको घटेको छ। यस्तै, एक कम्पनीको मूल्य स्थिर रहेको छ।
यसदिन नेपाल माइक्रो इन्स्योरेन्स र क्रेस्ट माइक्रो लाइफ इन्स्योरेन्सको मूल्य सर्वाधिक ९.९८ प्रतिशतका दरले बढेको छ।
उक्त कम्पनीहरूको प्रतिकित्ता मूल्य क्रमशः ४०२ रूपैयाँ २० पैसा र ३३२ रूपैयाँ ७० पैसा पुगेको छ।
बिहीबार बोटलर्स नेपाल (बालाजु)को मूल्य सर्वाधिक ५.०७ प्रतिशतले घटेर प्रति कित्ता मूल्य १७ हजार आठ सय रूपैयाँमा झरेको छ।
यस्तै, हिमालयन पावर पार्टनरको मूल्य ३.०१ प्रतिशतले घटेर प्रतिकित्ता मूल्य ५९९ रूपैयाँ कायम भएको छ।
बिहीबार राधी विद्युतको सर्वाधिक कारोबार भएको छ।
कम्पनीको प्रतिकित्ता ४७० रूपैयाँ १० पैसामा ३५ करोड ९४ लाख रूपैयाँको सेयर कारोबार भएको छ।
यो मूल्य अघिल्लो दिनको तुलनामा ४.३० प्रतिशत बढेको हो।
सर्वाधिक सेयर खरिद–बिक्री हुने दोस्रो कम्पनीमा एनआरएन इन्फ्रास्टक्चर रहेको छ। उक्त कम्पनीको प्रतिकित्ता एक हजार ६९८ रूपैयाँमा ३५ करोड २९ लाख बराबरको सेयर कारोबार भएको छ।
आज कारोबारमा आएका १३ वटा समूहगत परिसूचकमध्ये चार समूहको परिसूचक बढेको छ भने बाँकी नौ समूहको परिसूचक घटेको छ।
