सिटिजन्स बैंक इन्टरनेसनलले बेबी लाईफ होमलाई आर्थिक सहयोग गरेको छ।
करिब डेढ दशकदेखि एचआइभी संक्रमित बालबालिकालाई लालनपालन, स्वास्थ्य उपचार, शिक्षा तथा मनोरञ्जन प्रदान गर्दै आएको बेबी लाईफ होमलाई बैंकले दुई लाख रूपैयाँ सहयोग गरेको हो।
बेबी लाईफ होममा हाल २७ जना एचआइभी संक्रमित बालबालिका आश्रित छन्।
उक्त रकम बालबालिकाको खानपान, शिक्षा र स्वास्थ्य उपचारमा खर्च गर्ने संस्थाका संचालक राज कुमार पुनले जानकारी दिए।
सिटिजन्स बैंकले २०० वटा शाखा, १६८ वटा एटिएम, ३ विस्तारित काउन्टर र ७४ वटा शाखा रहित बैंकिङ्ग ईकाइहरुबाट ग्राहकलाई सेवा दिँदै आएको छ।
