बुधबार नेप्से परिसूचक दोहारो अंकले बढेको छ।
नेप्से २५.३१ अंकले बढेर २७०१.४८ विन्दुमा बन्द भएको छ।
यस दिन कारोबार रकममा भने गिरावट आएको छ।
मंगलबार पाँच अर्ब ७९ करोडको सेयर कारोबार भएकोमा बुधबार पाँच अर्ब ४४ करोडको कारोबार भएको छ।
यो रकम अघिल्लो दिनको तुलनामा ३५ करोड रूपैयाँ कमी आएको हो।
आज ३१८ वटा धितोपत्रको एक करोड ४ लाख ४२ हजार ६८३ कित्ता सेयर किनबेच भएको हो।
बुधबार १६६ कम्पनीको सेयर मूल्य बढेको छ भने ७८ वटाको घटेको छ।
यसदिन विशाल बजार र सेन्ट्रल फाइनान्सको मूल्य सर्वाधिक १० प्रतिशतका दरले बढेका छन्।
उक्त कम्पनीहरूको प्रतिकित्ता मूल्य क्रमशः ६ हजार ४०५ रूपैयाँ २० पैसा र ६१३ रूपैयाँ ६० पैसा पुगेको छ।
यस्तै, हाथवे इन्भेष्टमेन्टको सेयर मूल्य ६.८३ प्रतिशतले बढेर प्रतिकित्ता मूल्य एक हजार ३९७ रूपैयाँ कायम भएको छ।
बुधबार बोटलर्स नेपाल बालाजुको मूल्य सर्वाधिक १० प्रतिशतले घटेर प्रति कित्ता मूल्य १७ हजार ५७९ रूपैयाँ ८० पैसामा झरेको छ।
यस्तै, बलेफी हाइड्रोपावरको मूल्य ४.५५ प्रतिशतले घटेर प्रति कित्ता मूल्य ३२० रूपैयाँ कायम भएको छ।
बुधबार सिइडिबी होल्डिङ्सको सर्वाधिक कारोबार भएको छ।
कम्पनीको प्रतिकित्ता दुई हजार ४५५ रूपैयाँमा ३६ करोड ५५ लाख रूपैयाँको सेयर कारोबार भएको छ।
यो मूल्य अघिल्लो दिनको तुलनामा ३.१५ प्रतिशत बढेको हो।
सर्वाधिक सेयर खरिद–बिक्री हुने दोस्रो कम्पनीमा हिमायलन रिइन्स्योरेन्स रहेको छ। उक्त कम्पनीको प्रतिकित्ता एक हजार २८ रूपैयाँ २० पैसामा ३५ करोड ६ लाख बराबरको सेयर कारोबार भएको छ।
आज कारोबारमा आएका १३ वटा समूहगत परिसूचकमध्ये उत्पादन तथा प्रशोधन र जीवन बीमा समूहको परिसूचक घटेको छ भने बाँकी सबै समूहको परिसूचक बढ्दा समग्र नेप्से बढेको हो।
यसदिन व्यापार समूहको परिसूचक सर्वाधिक ३.२६ प्रतिशतले बढेको छ भने उत्पादन तथा प्रशोधन समूहको परिसूचक सर्वाधिक १.४३ प्रतिशतले घटेको छ।
