बिहीबार पनि नेप्से परिसूचक उच्च अंकले बढेको छ।
बुधबार ३९.१३ र बिहीबार ४१.६७ अंक गरी यो दुई दिनमा नेप्से ८१.६ अंकले बढेको हो।
नेप्से १.५८ प्रतिशतले बढेर २६६३.३० विन्दुमा बन्द भएको छ।
यस दिन कारोबार रकम पनि बढेको छ।
बुधबार चार अर्ब २० करोडको सेयर कारोबार भएकोमा बिहीबार पाँच अर्ब २२ करोडको कारोबार भएको छ।
यो रकम अघिल्लो दिनको तुलनामा १ अर्ब दुई करोड रूपैयाँ वृद्धि भएको हो।
आज ३०९ वटा धितोपत्रको ९७ लाख ७२ हजार १९६ कित्ता सेयर किनबेच भएको हो।
बिहीबार २२७ कम्पनीको सेयर मूल्य बढेको छ भने १६ वटाको घटेको छ।
यसदिन गुराँस लघुवित्त र श्रीजनशील लघुवित्तको सेयर मूल्य सर्वाधिक १० प्रतिशतका दरले बढेको छ।
उक्त कम्पनीहरूको प्रतिकित्ता मूल्य क्रमशः दुई हजार ९५१ रूपैयाँ ४० पैसा र दुई हजार २१३ रूपैयाँ २० पैसा कायम भएको छ।
बिहीबार कुमारी सबल योजनाको मूल्य सर्वाधिक १.८२ प्रतिशतले घटेर प्रति इकाई मूल्य ८ रूपैयाँ ६१ पैसामा झरेको छ।
यस्तै, आइसिएफसी फाइनान्सको डिबेन्चर मूल्य १.६१ प्रतिशतले घटेर प्रति डिबेन्चर मूल्य एक हजार ५१ रूपैयाँ कायम भएको छ।
बिहीबार हिमालयन रिइन्स्योरेन्सको सर्वाधिक कारोबार भएको छ।
कम्पनीको प्रतिकित्ता एक हजार २० रूपैयाँ १० पैसामा ५१ करोड १८ लाख रूपैयाँको सेयर कारोबार भएको छ।
यो मूल्य अघिल्लो दिनको तुलनामा ४.२५ प्रतिशत बढेको हो।
सर्वाधिक सेयर खरिद–बिक्री हुने दोस्रो कम्पनीमा नेपाल रिइन्स्योरेन्स रहेको छ। उक्त कम्पनीको प्रतिकित्ता एक हजार २९३ रूपैयाँ ४० पैसामा २७ करोड ७ लाख बराबरको सेयर कारोबार भएको छ।
आज कारोबारमा आएका १३ वटा समूहगत परिसूचकमध्ये सबै समूहको परिसूचक बढ्दा समग्र नेप्से बढेको हो।
यसदिन व्यापार समूहको परिसूचक सर्वाधिक ६.०९ प्रतिशतले बढेको छ।
