सोमबार उच्च उतारचढाव देखिएको बजार बन्द हुने समयमा नेप्से २६.१० अंकले बढेको छ।
अन्तर दिनको कारोबारमा २५९३ विन्दुसम्म पुगेर नेप्से फर्किएको हो।
यसअघि गत माघ ३ गते पनि नेप्से २५८८ विन्दुमा टेवा पाएर फर्किएको थियो। अहिले पनि सोही विन्दु आसपास बजारले टेवा पाएको हो।
सोमबार नेप्से ०.९९ प्रतिशतले बढेर २६४०.७८ विन्दुमा बन्द भएको छ।
यस दिन कारोबार रकममा भने गिरावट आएको छ।
गत कारोबार दिन अर्थात् आइतबार ६ अर्ब ३२ करोडको सेयर कारोबार भएकोमा आइतबार चार अर्ब ४८ करोडको कारोबार भएको छ।
यो रकम अघिल्लो दिनको तुलनामा १ अर्ब ८४ करोड रूपैयाँ कमी आएको हो।
आज ३२६ वटा धितोपत्रको ९७ लाख ३९ हजार ७३८ कित्ता सेयर किनबेच भएको हो।
सोमबार २१० कम्पनीको सेयर मूल्य बढेको छ भने ३३ वटाको घटेको छ।
यसदिन गार्डियन माइक्रो लाइफ इन्स्योरेन्सको मूल्य सर्वाधिक ९.२९ प्रतिशतले बढेको छ।
उक्त कम्पनीको प्रतिकित्ता मूल्य दुई हजार २६१ रूपैयाँ कायम भएको छ।
यस्तै, पोखरा फाइनान्सको मूल्य ७.४७ प्रतिशतले बढेर प्रतिकित्ता मूल्य ४३८ रूपैयाँ पुगेको छ।
सोमबार अपर हेवाखोला हाइड्रोपावरको मूल्य सर्वाधिक ४.९२ प्रतिशतले घटेर प्रतिकित्ता मूल्य ८०० रूपैयाँ पुगेको छ।
यस्तै, नारायणी डेभलपमेन्टको मूल्य ४.०५ प्रतिशतले घटेर प्रतिकित्ता मूल्य एक हजार ९१५ रूपैयाँ पुगेको छ।
सोमबार हिमालयन रिइन्स्योरेन्सको सर्वाधिक कारोबार भएको छ।
कम्पनीको प्रतिकित्ता ९६६ रूपैयाँ ६० पैसामा ३२ करोड ६९ लाख रूपैयाँको सेयर कारोबार भएको छ।
यो मूल्य अघिल्लो दिनको तुलनामा ३.५२ प्रतिशत बढेको छ।
सर्वाधिक सेयर खरिद–बिक्री हुने दोस्रो कम्पनीमा सिइडिबी होल्डिङ्स रहेको छ। उक्त कम्पनीको प्रतिकित्ता दुई हजार २०४ रूपैयाँमा १५ करोड २९ लाख बराबरको सेयर कारोबार भएको छ।
आज कारोबारमा आएका १३ वटा समूहगत परिसूचकमध्ये सबै समूहको परिसूचक बढ्दा समग्र नेप्से बढेको हो।
यसदिन वित्त समूहको परिसूचक सर्वाधिक ३.७५ प्रतिशतले बढेको छ।
-1742801159.jpg)
