बैंक तथा वित्तीय संस्थाको खराब कर्जामा तेस्रो त्रैमासमा पनि सुधार नहुने देखिएपछि यसको प्रभाव नेप्सेमा देखिएको छ।
आइतबार नेप्से परिसूचक ५३.०४ अंकले घटेर २६१६.२६ विन्दुमा बन्द भएको छ।
यसदिन नेप्से गत दुई महिनाकै न्यून विन्दुमा पुगेको छ। नेप्से माघ ८ गते यताकै न्यून विन्दुमा आइपुगेको हो।
आइतबार कारोबार रकममा भने वृद्धि भएको छ।
गत कारोबार दिन अर्थात् बिहीबार चार अर्ब ५६ करोडको सेयर कारोबार भएकोमा आइतबार ६ अर्ब ३२ करोडको कारोबार भएको छ।
यो रकम अघिल्लो दिनको तुलनामा १ अर्ब ७६ करोड रूपैयाँ वृद्धि भएको हो।
आज ३१७ वटा धितोपत्रको एक करोड २३ लाख ७१ हजार २८० कित्ता सेयर किनबेच भएको हो।
आइतबार १३ कम्पनीको सेयर मूल्य बढेको छ भने २३० वटाको घटेको छ।
यसदिन कुथेली बुखरी स्मल हाइड्रोपावरको मूल्य सर्वाधिक ८.७२ प्रतिशतले बढेको छ।
उक्त कम्पनीको प्रतिकित्ता मूल्य दुई हजार ६१५ रूपैयाँ कायम भएको छ।
यस्तै, एनएमबी ५० को मूल्य ३.९४ प्रतिशतले बढेर प्रति इकाइ मूल्य १० रूपैयाँ ५५ पैसा पुगेको छ।
आइतबार मिथिला लघुवित्तको मूल्य सर्वाधिक १० प्रतिशतले घटेर प्रतिकित्ता मूल्य एक हजार ६०३ रूपैयाँ ८० पैसा पुगेको छ।
यस्तै, सयपत्री हाइड्रोपावरको मूल्य ७.३४ प्रतिशतले घटेर प्रतिकित्ता मूल्य ७१९ रूपैयाँ ६० पैसा पुगेको छ।
आइतबार हिमालयन रिइन्स्योरेन्सको सर्वाधिक कारोबार भएको छ।
कम्पनीको प्रतिकित्ता ९३८ रूपैयाँमा ४२ करोड ६ लाख रूपैयाँको सेयर कारोबार भएको छ।
यो मूल्य अघिल्लो दिनको तुलनामा २.७० प्रतिशत घटेको छ।
सर्वाधिक सेयर खरिद–बिक्री हुने दोस्रो कम्पनीमा एनआरएन इन्फ्रास्टक्चर रहेको छ। उक्त कम्पनीको प्रतिकित्ता एक हजार ३७९ रूपैयाँ ९० पैसामा ३५ करोड ९९ लाख बराबरको सेयर कारोबार भएको छ।
आज कारोबारमा आएका १३ वटा समूहगत परिसूचकमध्ये सबै समूहको परिसूचक घट्दा समग्र नेप्से घटेको हो।
यसदिन वित्त समूहको परिसूचक सर्वाधिक २.९८ प्रतिशतले घटेको छ।
-1742801159.jpg)
