मंगलबार पनि नेप्से परिसूचक दोहोरो अंकले घटेको छ।
नेप्से ७.६६ अंकले घटेर २६९७.०४ विन्दुमा बन्द भएको हो।
मंगलबार कारोबार रकममा पनि गिरावट आएको छ।
गत कारोबार दिन अर्थात् सोमबार पाँच अर्ब ४० करोडको सेयर कारोबार भएकोमा मंगलबार चार अर्ब ३४ करोडको कारोबार भएको छ।
यो रकम अघिल्लो दिनको तुलनामा एक अर्ब ६ करोड रूपैयाँ कमी आएको हो।
आज ३१३ वटा धितोपत्रको ८२ लाख ३७ हजार ९०२ कित्ता सेयर किनबेच भएको हो।
मंगलबार ८६ कम्पनीको सेयर मूल्य बढेको छ भने १५२ वटाको घटेको छ। यस्तै पाँच कम्पनीको मूल्य स्थिर रहेको छ।
यसदिन मिथिला लघुवित्तको मूल्य सर्वाधिक ९.९६ प्रतिशतले बढेको छ।
उक्त कम्पनीको प्रतिकित्ता मूल्य एक हजार ८१० रूपैयाँ कायम भएको छ।
यस्तै, हिमालयन पावर पार्टनरको मूल्य ९.९० प्रतिशतले बढेर प्रतिकित्ता मूल्य ६३३ रूपैयाँ पुगेको छ।
मंगलबार सामुदायिक लघुवित्तको मूल्य सर्वाधिक ८.२१ प्रतिशतले घटेर प्रतिकित्ता मूल्य दुई हजार ३७० रूपैयाँ पुगेको छ।
यस्तै, राप्ती हाइड्रोको मूल्य ७.७२ प्रतिशतले घटेर प्रतिकित्ता मूल्य ५८६ रूपैयाँमा झरेको छ।
मंगलबार हिमालयन रिइन्स्योरेन्सको सर्वाधिक कारोबार भएको छ।
कम्पनीको प्रतिकित्ता ९८६ रूपैयाँमा ३२ करोड ११ लाख रूपैयाँको सेयर कारोबार भएको छ।
यो मूल्य अघिल्लो दिनको तुलनामा ०.२० प्रतिशत घटेको छ।
सर्वाधिक सेयर खरिद–बिक्री हुने दोस्रो कम्पनीमा घलेम्दी हाइड्रो रहेको छ। उक्त कम्पनीको प्रतिकित्ता ३०५ रूपैयाँमा २२ करोड ७२ लाख बराबरको सेयर कारोबार भएको छ।
आज कारोबारमा आएका १३ वटा समूहगत परिसूचकमध्ये अन्य समूहको परिसूचक ०.११ प्रतिशतले बढेको छ भने बाँकी सबै समूहको परिसूचक घट्दा समग्र नेप्से घटेको हो।
यसदिन निर्जीवन बीमा समूहको परिसूचक सर्वाधिक ०.५४ प्रतिशतले घटेको छ।
