साताको पहिलो कारोबार दिन अर्थात् आइतबार नेप्से परिसूचक दोहोरो अंकले घटेको छ।
नेप्से २१.६३ अंकले घटेर २७१४.८५ विन्दुमा बन्द भएको हो।
आइतबार कारोबार रकममा पनि गिरावट आएको छ।
गत कारोबार दिन अर्थात् बुधबार आठ अर्ब २३ करोडको सेयर कारोबार भएकोमा आइतबार ६ अर्ब ८३ करोडको कारोबार भएको छ।
यो रकम अघिल्लो दिनको तुलनामा एक अर्ब ४० करोड रूपैयाँ कमी आएको हो।
आज ३१६ वटा धितोपत्रको एक करोड ३९ लाख ७४ हजार ४५२ कित्ता सेयर किनबेच भएको हो।
आइतबार ३१ कम्पनीको सेयर मूल्य बढेको छ भने २०७ वटाको घटेको छ। यस्तै ६ कम्पनीको मूल्य स्थिर रहेको छ।
यसदिन सामुदायिक लघुवित्तको मूल्य सर्वाधिक ८.१९ प्रतिशतले बढेको छ।
उक्त कम्पनीको प्रतिकित्ता मूल्य दुई हजार ३९० रूपैयाँ कायम भएको छ।
यस्तै, विशाल बजारको मूल्य ५.३४ प्रतिशतले बढेर प्रतिकित्ता मूल्य पाँच हजार ६ सय रूपैयाँ पुगेको छ।
आइतबार ग्रीन डेभलपमेन्ट बैंकको मूल्य सर्वाधिक ७.३३ प्रतिशतले घटेर प्रतिकित्ता मूल्य एक हजार २५८ रूपैयाँ कायम भएको छ।
यस्तै, पिपुल्स हाइड्रोपावरको मूल्य ७.३३ प्रतिशतले घटेर प्रतिकित्ता मूल्य ६३८ रूपैयाँमा झरेको छ।
आइतबार हिमालयन रिइन्स्योरेन्सको सर्वाधिक कारोबार भएको छ।
कम्पनीको प्रतिकित्ता एक हजार रूपैयाँमा ५८ करोड ६६ लाख रूपैयाँको सेयर कारोबार भएको छ।
यो मूल्य अघिल्लो दिनको तुलनामा ३.२१ प्रतिशत घटेको छ।
सर्वाधिक सेयर खरिद–बिक्री हुने दोस्रो कम्पनीमा महालक्ष्मी विकास बैंक रहेको छ। उक्त कम्पनीको प्रतिकित्ता ४४४ रूपैयाँमा ३७ करोड ३० लाख बराबरको सेयर कारोबार भएको छ।
आज कारोबारमा आएका १३ वटा समूहगत परिसूचकमध्ये व्यापार समूहको परिसूचक ४.९२ प्रतिशतले बढेको छ भने बाँकी सबै समूहको परिसूचक घट्दा समग्र नेप्से घटेको हो।
यसदिन विकास बैंक समूहको परिसूचक सर्वाधिक २.२५ प्रतिशतले घटेको छ।
दोस्रोमा लगानी समूहको परिसूचक १.७२ प्रतिशतले घटेको छ।
