बुधबार नेप्से परिसूचक दोहोरो अंकले बढेको छ।
नेप्से १७.२८ अंकले बढेर २७३६.४८ विन्दुमा बन्द भएको हो।
बुधबार कारोबार रकममा भने गिरावट आएको छ।
गत कारोबार दिन अर्थात् मंगलबार आठ अर्ब ३९ करोडको सेयर कारोबार भएकोमा बुधबार आठ अर्ब २३ करोडको कारोबार भएको छ।
यो रकम अघिल्लो दिनको तुलनामा १६ करोड रूपैयाँ कमी आएको हो।
आज ३२३ वटा धितोपत्रको दुई करोड २९ लाख ४१ हजार ३६५ कित्ता सेयर किनबेच भएको हो।
बुधबार १४६ कम्पनीको सेयर मूल्य बढेको छ भने ८८ वटाको घटेको छ। यस्तै १० कम्पनीको मूल्य स्थिर रहेको छ।
यसदिन पिपुल्स हाइड्रोपावरको मूल्य सर्वाधिक ९.७९ प्रतिशतले बढेको छ।
उक्त कम्पनीको प्रतिकित्ता मूल्य ६८८ रूपैयाँ ५० पैसा कायम भएको छ।
यस्तै, प्रभु इन्स्योरेन्सको मूल्य ७.८९ प्रतिशतले बढेर प्रतिकित्ता मूल्य एक हजार ६८ रूपैयाँ पुगेको छ।
बुधबार विन नेपाल लघुवित्तको मूल्य सर्वाधिक १० प्रतिशतले घटेर प्रतिकित्ता मूल्य तीन हजार ४२७ रूपैयाँ २० पैसा पुगेको छ।
यस्तै, कर्पोरेट डेभलपमेन्ट बैंकको मूल्य ४.३१ प्रतिशतले घटेर प्रतिकित्ता मूल्य एक हजार ९०९ रूपैयाँमा झरेको छ।
बुधबार माछापुच्छ्रे बैंकको संस्थापक सेयरको सर्वाधिक कारोबार भएको छ।
कम्पनीको प्रतिकित्ता एक सय रूपैयाँमा ८१ करोड ३६ लाख रूपैयाँको सेयर कारोबार भएको छ।
सर्वाधिक सेयर खरिद–बिक्री हुने दोस्रो कम्पनीमा हिमालयन रिइन्स्योरेन्स रहेको छ। उक्त कम्पनीको प्रतिकित्ता एक हजार ३२ रूपैयाँमा ५६ करोड चार लाख बराबरको सेयर कारोबार भएको छ।
आज कारोबारमा आएका १३ वटा समूहगत परिसूचकमध्ये विकास बैंक र लघुवित्त समूहको परिसूचक घटेको छ भने बाँकी सबै समूहको परिसूचक बढ्दा समग्र नेप्से बढेको हो।
यसदिन लगानी समूहको परिसूचक सर्वाधिक १.७६ प्रतिशतले बढेको छ।
दोस्रोमा अन्य समूहको परिसूचक १.५७ प्रतिशतले बढेको छ।
