स्वरोजगार लघुवित्त वित्तीय संस्थाको एफपिओमा आवेदन दिने आज (बुधबार) अन्तिम दिन हो।
कम्पनीको एफपिओमा अन्तिम दिनसम्म दुई अर्ब ३४ करोड ६२ लाख ९८ हजार रूपैयाँ बराबरको दुई करोड ३४ लाख ६२ हजार ९८० कित्ताको लागि आवेदन परेको छ।
सिडिएस एण्ड क्लियरिङका अनुसार बुधबार साँझ ५ बजेसम्म १८ लाख ८२ हजार ४२२ जनाले आवेदन दिएका छन्।
यो आवेदन मागभन्दा ११९.८४ गुणा बढी हो।
लघुवित्तले १ करोड ९५ लाख ७७ हजार ३०० रूपैयाँ बराबरको प्रतिकित्ता १०० रूपैयाँ अंकित मूल्यका १ लाख ९५ हजार ७७३ कित्ता सेयर निष्कासन गरेको हो।
कम्पनीले बैंक तथा वित्तीय संस्थासम्बन्धी ऐन २०७३ र नेपाल राष्ट्र बैंकले एक आपसमा गाभ्ने/गाभिनका लागि अन्तिम स्वीकृति पत्र प्रदान गर्दा दिएको निर्देशन बमोजिम कुल जारी पुँजीको कम्तीमा ३० प्रतिशत सेयर सर्वसाधारणलाई छुट्याउनु पर्ने हुँदा एफपिओ जारी गरेको हो।
कम्पनीलाई इक्रा नेपालले 'इक्रा एनपी इस्युअर रेटिङ डबल बी माइनस' प्रदान गरेको छ। यसले कम्पनीको वित्तीय दायित्व बहन गर्ने क्षमता मध्यम जोखिम रहेको जनाउँछ।
कम्पनीले फागुन १८ गतेदेखि २१ गतेसम्म एफपिओमा बिक्री गरेको थियाे।
